Posts

Showing posts from December, 2012

उठ हो जागी तू रणरागिनी

Image
उठ हो जागी तू रणरागिनी  शंभू महादेवाची तू अर्धांगिनी  कालीमातेचे रूप घेवूनी  टाक या राक्षसांसी ठेचुनी हतबल नाहीस तू  दुर्बल नाहीस तू  झाशीची कधी राणी होतीस तू  ताराबाई होवोनी स्वराज्य रक्षीलेस तू  जे विसरती सीमा माणुसकीची  करिती थट्टा तुझ्या स्त्रीत्वाची  होवोनी धार या भवानीची  कर कत्तल त्या शत्रूंची घडविण्या शिवबांसी  तू हो जिजाऊ  महारुद्र शंभू उभारण्या  हो धारक्का दुधाउ दुर्गवीर चा धीरु  माझे अंतरंग http://dhiruloke.blogspot.in/

कसला रे हा तुझा पुरषार्थ..

Image
कसला रे हा तुझा पुरषार्थ  पुरुष म्हणून जगलास तर त्याला अर्थ पूर्ण करण्यास तुझ्या वासनेचा स्वार्थ हिरावतोयस तू स्त्रीच्या जीवनाचा अर्थ वासना हि तुझी सोडतेय पातळी  कुणा स्त्रीचे आयुष्य पडतेय त्यास बळी  पडताच तुझी हि नजर काळी   भयंकर शिक्षा थोपतोस तिच्या कपाळी संत महात्म्यांच्या या पवित्र भूमीत काय हे घडतेय विपरीत पुरुष म्हणोनी मिरवतोयस या जगात पण राक्षसीपणा का तुझ्या कर्मात स्त्रीचे रक्षण असे तुझ्या हाती  पण का विसरलास तू सारी नाती निर्मळ मनाने बघ तू सभोवती अन जप हि सारी आयां  बहिणीची नाती  पुराणात हि स्त्री असे देवीसमान का करतोय या दैवत्वाचा अपमान ठेवतोय तू तुझी बुद्धी गहाण अन करतोयस तू या स्त्री शक्तीस आव्हान  विसरू नको रे ती कालीमाता  जी संपवे राक्षसांसी स्वत:  पापाचा तुझ्या घडा हा भरता संपवेल हि तुला ती रणरागिणी आता दुर्गवीर  चा धीरु  माझे अंतरंग http://dhiruloke.blogspot.in/    

का असा स्वार्थ पाहिला....

Image
का असा स्वार्थ पाहिला.... हे मानवा का असा स्वार्थ पाहिला......... माणुसकी आज ना राहिली नावाला जो येई तो सावरे स्वतःला  जन्मभर स्वार्थाने बरबटलेला  मरणोत्तर कोण रडे कशाला हे मानवा का असा स्वार्थ पाहिला......... दया माया करण्यासी तू हुकला  जीवनाच्या वाटेवर आज तू चुकला  मोह मायेत कसा तू झुकला  झुकत झुकत कसा तू प्राणास मुकला  हे मानवा का असा स्वार्थ पाहिला......... वासनेतूनी विसरलास तू माणुसकी  अखेर ना काही राहिले बाकी  सरताच संपत्तीची लकाकी  येते उपयोगास माणुसकी  हे मानवा का असा स्वार्थ पाहिला......... मोह माया असे क्षणभंगुर  माणुसकीपुढे होते जणू लंगुर  जेथे उगवे माणुसकीचा अंकुर  स्वार्थ मोह माया होई इथे क्षणभंगुर दुर्गवीर  चा धीरु  माझे अंतरंग http://dhiruloke.blogspot.in/

दुर्गवीर....

Image
धन्य धन्य जाहले जीवन माझे मी जन्मलो मराठी... त्या उपरी कळस म्हणोनी, मी वाढलो मराठी... सोनियाचा कळस जणू तो कि मी भेटलो दुर्गवीरांसी.. दुर्गवीर चा धीरु

खूप दिवसांनी

Image
खूप दिवसांनी आज कुणाशी बोलावस वाटत मनातल्या भावनांना प्रस्थान करावसं वाटत ती ऐकेल म्हणून, खूप खूप बोलावसं वाटत ती वाचेल म्हणून, खूप खूप लिहावसं वाटत  खूप दिवसांनी आज कुणाशी बोलावस वाटत कुणाच्यातरी आठवणीत रमावसं वाटत सहजच ती आठवल्यावर गालात हसावस वाटत छानस लाल गुलाब तिला द्यावस वाटत त्यावेळच तीच हास्य पहावस वाटत खूप दिवसांनी आज कुणाशी बोलावस वाटत सर्व काही विसरून तिला आठवावं अस वाटत  तिच्या आठवणी मध्ये बावळट व्हावस वाटत तिची वाट पाहत उभ राहावसं वाटत तिला येताना पाहून तिच्याकडे पहावस वाटत  खूप दिवसांनी आज कुणाशी बोलावस वाटत तिने माझी आठवण काढावी अस वाटत याच विचाराने बहरलेल मन पहावस वाटत  सहजच ती समोर आली तर  तिला ते मन दाखवावसं वाटत धीरु  माझे अंतरंग http://dhiruloke.blogspot.in/

हे बंध रेशमाचे...................

Image
हे बंध रेशमाचे................... हे बंध रेशमाचे ना फक्त एका धाग्याचे, न तूटना-या विश्वासाचे, भाऊ बहिनीच्या नात्याचे, अस्तित्व याचे फार पूर्वीचे, हे बंध रेशमाचे, हे बंध रेशमाचे, नाते ना या परिचे, जगतात या घडिचे, पोवाडे किती म्हणावे, भाऊ बहिनिच्या प्रेमाचे, हे बंध रेशमाचे, हे बंध रेशमाचे, प्रेम झळकते यात भाऊ बहिनीचे, एकमेकांसी सांभाळण्याचे, प्रतीक हे ख-या प्रेमाचे, पण निमित्त मात्र राखिचे हे बंध रेशमाचे, हे बंध रेशमाचे, ढाल तलवार बनावे, हे ध्येय्य भाऊरायाचे, प्रेम धाग्यात बांधावे, हे आद्य कर्तव्य बहिनीचे, हे बंध रेशमाचे https://www.facebook.com/MajheAntrang माझे अंतरंग   http://dhiruloke.blogspot.in/

जमल तर....

जमल तर....   असेल खर प्रेम तीच तर बदलेल स्वतास ती,  टिकवायच असेल तुला प्रेम तर तुही माघार घेउन बघ... भेटन बोलन म्हणजे प्रेम नाही मित्रा, तुही थोडा पुरुषी अहंकार बाजुला ठेवून बघ.... असेल घ्यायची परीक्षा तिच्या प्रेमाची, तर तुही तुझ्या प्रेमाची परीक्षा देऊन बघ...... तू कितीही चुकलास तरी तुझ्या वर प्रेम करण, हा स्त्रित्वाचा पैलू आहे.... काही झाल तरी तिने दुसर प्रेम करू नये, हे खर पुरुषी अहंकाराच लक्षण आहे..... असेल चुकत ती तर एकदा समजावून बघ, जमल तर माफ़ करून बघ... तरीही होत असतील तिच्या चूका, तर मात्र प्रेमाची परीक्षा घेउन बघ..... जमल तर हे अस करून बघ, नाहीतर विसर मागच आणि पुढे चालुन बघ... @[328759653887659:0]  धिरज लोके (दुर्गवीर चा धीरू) http:// dhiruloke . blogspot.in