Monday, 14 March 2016

आभार………



आभार………


आभार त्यां माता-पित्यांचे ज्यांनी मला "माझ्या कर्तव्यपूर्ती" साठी "जन्म" दिला
आभार त्यां "दुर्गवीर" चे ज्यांनी "माझे कर्तव्य" पूर्ण करण्यासाठी "हात" दिला.
आभार त्यां "मित्रांचे" ज्यांनी "माझ्यातला मी" मला दाखवून दिला.
आभार त्या "हित शत्रूंचे" ज्यांनी माझ्या "चुकांचा पाढा" मला वाचून दिला.
आभार त्यांचे ज्यांनी "विश्वास" नसतानाही "सार्थ" ठरवून दिला.
आभार त्यांचे ज्यांनी मला "विश्वासघात" काय तो दाखवून दिला.


या जन्मदिना दिवशी अनपेक्षित शुभेच्छा… "माझा परिवार" " दुर्गवीर" चे स्नेहसंमेलन आणि नेमका माझा जन्मदिवस म्हणजे "दुग्धशर्करा" योग म्हणावा लागेल. अगदी माझ्या "बारसा" होता तेव्हाही एवढ्या लोकांनी गर्दी केली नसेल इतकी काल होती. गेल्या २८ वर्षातील सर्वात मोठा "वाढदिवस"म्हणावा लागेल. अजित दादा, प्रशांत दादा, दर्शना (प्रांजल) ताई, अर्जुन दादा, रवींद्र दादा, गौरांगी ताई, उदय दादा, अश्या दुर्गवीर च्या डोंबिवली च्या दुर्गवीरांसोबत "हड्डी तोड" कार्यक्रम आणि दिवसभर फोन लागत नव्हता म्हणून अगदी रात्री १२ वाजले तरी आणि १४ तारीख उजाडली तरी फोन मेसेजद्वारे शुभेच्छा देणा-या सर्वांचे आभार. आभार यासाठी नाही कि त्यांनी मला शुभेच्छा दिल्या आभार यासाठी कि त्यांच्या सर्वांसाठी "हा दिवस" लक्षात ठेवून "शुभेच्छा" देण्याइतका महत्वाचा वाटला. कधी वाटत मी कमी बोलतो म्हणून "माणस" तुटतात कि काय पण दुर्गवीर सोबत गेली ४ वर्ष "कमी" बोलतो तरी नवीन मानस जोडली जातात. दुर्गवीर मध्ये मी वर्षातून एकदाच बोलतो ते म्हणजे "स्नेहसंमेलनाला" तसं आजही बोललो. जन्मदिनादिवशी किती पैसा खर्च केला त्याला महत्व नाही किती "मानस" कमावली याला महत्व आहे. मी तर बुवा १५० च्या आसपास माणसं कमावली(दुर्गवीर स्नेह्संमेलानाची उपस्थिती १५० होती) .

पुनश्च सर्वांचे आभार…
   

Wednesday, 9 March 2016

दोस्त म्हणतो...



दोस्त म्हणतो...

विजय बेंद्रे, मेघांत आणि उमेश जाधव तीन दोस्त काय म्हणतात हे आज अनुभवल. समोर कोणता रसिकवर्ग आहे ओळखायच आणि असे काहि काव्याविष्कार सादर करायचे की अगदि अलगदपणे समोर बसलेल्यांच्या मनात जावुन बसायच.

घाटकोपर पुर्व येथे महाशिवरात्री निमीत्त काव्यवाचनाचा कार्यक्रम हा विचारच मुळी भन्नाट होता. गेल्या २-३ वर्षापासुन विजय बेंद्रेंच्या Live कार्यक्रमाला जाईन म्हणत होतो पण अचानक "(मध)माशी" शिंकायची आणि माझ जाण टळायच आज योग आलाच. तसा हा माझ्यासाठि गेल्या ८-१० वर्षातला पहिलाच काव्यवाचनाचा कार्यक्रम असावा. कॅालेज मध्ये असताना "जाम" कवीता केल्या तो "जाम" अजुन चपातीला लावुन खातोय..  

तर विजय बेंद्रे, उमेश जाधव आणि मेघांत या तिघांना आज कवीता सादर करताना करताना पाहिल आणि जाणवलं काव्य हे अस माध्यम आहे की तुम्ही क्षणात एखाद्याला आपल बनवु शकता. गेल्या वर्षभरात विविध ठिकाणी यांनी कार्यक्रम केले आजवर शेकडो लोकांना आपलस केल असेल. तरुणाईंच्या (तरुणींच्या  ) गळ्यातील ताईत बनले असतील पण तिघांच्याहि वागण्यात गर्व नव्हता. उमेश बंधुंना मी पहिल्यांदाच भेटलो पण त्यांच्या वागण्याबोलण्यातुन तस कुठेच जाणवल नाहि. मेघांत बंधु तर धिरु दादा म्हणुन गळाभेट घेतात तेव्हा दुर्गवीरमधील कुणी भेटल्याचा भास होतो. विजय बंधु तर काय बोलायच हे "वादळच" वेगळ आहे हे समजुन घ्यायच तर त्या गतिनेच चालाव लागत. उमेश बंधुंच सुरातल सादरिकरण आणि मेघांत बंधुंचे सादरिकरणाचे सुर उत्तमच लागले होते. विजय बंधु तर रसिकांना तालावरच नाचवत होते.

घाटकोपर च्या समतानगरमधील एका रात्रमहाविद्यालयातील सरांना त्यांचा कार्यक्रम आवडला म्हणुन त्यांनी भटवाडि हिल भागात या कार्यक्रमाचे आयोजन केले होते. समोर ९०% कोकणी माणस मग काय तिघांनी जा काय "धुमाशान" केल्यांनी तेका तोड नाय....  त्यात अमोल दादांची अधुन मधुन येणारी "दाद" आणि बाप-मुलीच नात समजावणारी कविता अगदि लाजवाब होत. या कार्यक्रमात रोहिणी ताई, निखील मोंडकर सर, प्रसाद हावळे, आदित्य दवणे, भरत कदम, सायली राणे यांची भेट झाली.

"दोस्त म्हणतो" च्या माध्यमातुन दुर्गवीरच्या कार्याची ओळख करुन दिली गेली त्यावेळी पटल "दोस्त म्हणतो" फक्त कवीकल्पेनत रमत नाहि तर गडसंवर्धनासारख्या सामाजिक विषयावरही विचार करतो. मेघांत बंधुंनी तर "प्रेमवीर" होवुन मुलींच्या मागे फिरण्यापेक्षा "दुर्गवीर" व्हा अस म्हटल तेव्हा त्यांचा प्रेमकवीतांएवढिच दाद उपस्थितांनी दिली.

खरच "दोस्त म्हणतो" चे कार्यक्रम तुमच्या माहाविद्यालयात किंवा एखाद्या इतर कार्यक्रमात ठेवुन बघाच. एकदा का समोर "गर्दि" दिसली की हे तीन दोस्त अशी काय "वर्दि" देतात की समोरचे पार "दर्दि होतात" एकदा ऐकाच हे दोस्त काय म्हणतायत ते !!!


Monday, 7 March 2016

कन्हैया कुमार.... (Updated Version of Kejriwal & Hardik Patel)



कन्हैया कुमार.... (Updated Version of Kejriwal & Hardik Patel)

कन्हैया कुमारच जेल मधुन सुटका झाल्यावरच भाषण ऐकल ! छान वाटल अतिशय मुद्देसुद आणि शांतपणे भाषण केल किंबहुना आपल मत मांडल. भविष्यात एक चांगला राजकारणी होणार इतक नक्कि (भविष्यात कशाला आत्ताच)

या मुलाचा फोकस क्लिअर आहे. त्याने जे ठरवलय तसच तो वागतोय. सध्या त्याच लक्ष्य ABVB, भाजप, संघ आणि मोदि हे आहे. त्याच्या संपुर्ण भाषणात त्याने आपला फोकस यावरच ठेवला होता. फक्त JNU पुरता विचार करायचा तर तिथे अगदि कमी फरकाने तिथल्या निवडणुकांचा निकाल लागला. त्याने घेतलेले मुद्दे कोणते ? तर रोहित वेमुल्ला ची आत्महत्या, भाजपाच हिंदूत्वाच राजकारण, परिणाम सरकारच अपयश. त्याच्या म्हणन्यानुसार त्याला देशातच आझादि हवीय म्हणजे ज्या देशात तो देशद्रोहाचा आरोप (खरा खोटा माहित नाही ) लागुनही पुन्हा कॅालेज कॅंपस मध्ये मुक्तपणे वावरतोय, घोषणा देतोय त्या देशात त्याला आझादि हवीय बर कशासाठी तर देशात सुधारणा घडवायचीय, जातीभेद नष्ट करायचाय. छान !! हे विचार ऐकुन प्रभावित व्हायला होत. पण लगेच एक मुद्दा लक्षात येतो जर जातीभेद नष्ट करायचाय तर लाल झेंडा, निळा झेंडा, लाल सलाम कशासाठी आता हे लाल निळा सलाम जातियवादाचा पुरस्कार करत नाहित का ? मुळात राजकारण याला वारसाहक्काने मिळालेलं आहे त्याचे आईवडील डाव्या विचारसरणीचे प्रखर नेते. किंबहुना ज्या वातावरणात तो वाढला ते गावच मुळीच डाव्या विचारसरनीच.

>> कन्हेय्या कुमार भाषणांच्या काही मोजक्या नोंदि लक्षात घेतल्या त्या पुढिलप्रमाणे
>जेलमधुन सुटल्यावरच्या भाषणात कन्हैया कुमार च थेट लक्ष भाजप, पंतप्रधान, RSS, ABVP होत. आणि आपण या देशाला मानतो पण या देशातल्या जातियवादाला, मनुवादाला, ब्राह्मणीकरणाला आपला विरोध आहे.मी डॉ. बाबासाहेब आंबेडकर यांना मानतो पण त्याच डॉ. बाबासाहेब आंबेडकरांनी लिहिलेल्या संविधानाच्या नियमानुसार चाललेला देशाची व्यवस्था मान्य नाही. हा दुटप्पीपण काही समजला नाही. म्हणजे राजकारण करण्यासाठी डॉ. बाबासाहेबांच नाव वापरायच पण त्यांनी लिहिलेलं संविधान नाही मानायचं हा तर डॉ. बाबासाहेबांचा अपमान झाला. या अगोदरच्या कुठल्याच भाषणात यांनी तिरंगा नाही फडकवला पण तुरुंगातून सुटका झाल्यानंतर मात्र सगळीकडे तिरंगा फडकताना दिसत होता वा तेरी देशभक्ती.


>जेलमध्ये जाण्याअगोदरच्या वृत्तवाहिणीच्या चर्चेत आपण देशद्रोही नाहि उमर खलीदच्या कार्यक्रमाशी आपला संबंध नाही, देशद्रोहि घोषणा कोणी दिल्या माहित नाहि. हे सर्व ABVP,RSS आणि भाजप घडवुन आणत आहे. तो कार्यक्रय थांबवण माझ काम नाहि.पोलिस तिथे होते त्यांनी घोषणा देणा-यांना थांबवल का नाही. पोलिस कुठल्या यंत्रणेचे राज्य सरकारच्या दिल्लीत सरकार कुणाच आप च मग दोष केंद्र सरकारचा कसा काय ???

> कार्यक्रम रद्द झाल्यानंतरच्या भाषणात पहिली प्रतिक्रिया कॅालेज प्रशासनाने कार्यक्रम रद्द केलाच कसा कुणाच्या सांगण्यावर केला. परवानगी नाकारायची होती तर पहिल्यांदा परवानगी दिलीच का?म्हणजे ही परवानगीRSS, भाजप, ABVP च्या दबावाने नाकारली.

>कॅालेज च्या निवडणुकापुर्वीच्या संप्टेंबर २०१५ च्या भाषणात कन्हैया ने मांडलेली मत - देशात परिणामी कॅालेज कॅंपसमध्ये जे चाललय ते चुकिच आहे. ABVP, भाजप देश बिघडवतायत. त्यात कॅान्ग्रेससुद्धा त्यांना साथ देतय. वगैरे वगैरे.

कन्हैया या अर्विभावात बोलतोय देशात इतकी अराजकता आहे की यापेक्षा तालिबान बर ! अहो पण त्या तालिबानात ब्लॅागवर लिखान केल तर गोळ्या मारल्या जातात आणि तुमच्या Video ला YouTube वर लाखो लोक पाहतात मग अजुन कसल स्वातंत्र्य हव. तुम्हाला देश बिघडलाय अस वाटतय ना... मग तिकडे JNU मध्ये कशाला निवडणुक लढवता या बाहेर आणि सोडवा सर्वसामान्यांचे प्रश्न. तुम्ही कॅालेजच्या निवडणुका लढवुन देश सुधरवणे म्हणजे उंटावरुन शेळ्या हाकण्यासारख आहे.

माझ एक प्रामाणिक सल्ला आहे कन्हैया कुमार ला जर जमलच तर स्वताची सद्सक विवेक बुद्धी वापर आणि या राजकारण्यांच्या तालावर नाचण सोडून दे स्वताच अस्तित्व बनव. आज हे विरोधक सरकारला शह देण्यासाठी तुझी लाखोंची वकिली फी भरून तुला सोडवतायत ते उद्या तुझी गरज भागल्यावर सोडून देतील. आज कन्हैया भगवा झेंड्याच राजकारण करणा-यान जर तू (कन्हैया) दोष देत असशील तर तू स्वत लाल, निळे झेंडे दाखवून तू तरी काय करतोयस.

कन्हैया कुमार सारख्या चांगल्या वक्त्याचा विरोधक चांगलाच वापर करतायत बाकी काही नाही. थोडक्यात सांगायच तर गेल्या दोन वर्षात Launch आलेल्या केजरीवाल आणि हार्दिक पटेल च Updated Version म्हणजे कन्हैया कुमार !!!

उजेडाचे डोळे ओले

जगात “नम्र” माणसांचे दोन प्रकार असतात एक जे मुळात “नम्र” नसतात पण सामाजिक परिस्थिती बघून “नम्रपणा” स्विकारतात आणि दुसरे जे मुळात...