माझी एक शाळा होती……

माझी एक शाळा होती……
जीच्या विषयी मनात हूरहूर होती,
जिथे गुरु शिष्याची अतूट नाती होती,
फटकळ असूनही आपुलकीची होती
म्हणून अजोडपणाच्या गाठीत होती - १

माझी एक शाळा होती……
जिथे सकाळी दोघांची हातघाई होती
तिथे दुपारला दिलजमाई होती
मैत्री अतूट रहावी म्हणून
मैत्रीत एक नरमाई होती - २

माझी एक शाळा होती……
जिथे बाईंच्या ओरडण्यावर,
गप्प बसण्याची शिष्टाई होती
जिथे गुरुजींच्या डोळे वटारण्यावर,
मान झुकाविण्याची नरमाई होती - ३

माझी एक शाळा होती……
जिथे परीक्षा आली तोंडावर,
कि अभ्यासाची घाई होती.
अखेरच्या मिनटात अभ्यास उरकून,
पास होण्याची कलाई होती. - ४

माझी एक शाळा होती……
जरी दूर असली घरापासून,
मनाच्या गाभा-यातील होती
संस्काराच्या कठोर घावांनी
मूर्ती घडविण्याची "ती"ची किर्ती होती - ५

माझी एक शाळा होती……
हरवलीय ती आज कुठेतरी
शोधून देईल का कुणीतरी
पैश्याच्या या नादापायी,
गमावून बसलोय तिला खरोखरी  - ६
माझी एक शाळा होती……
माझी एक शाळा होती……

दुर्गवीर चा धीरु

माझे अंतरंग
http://dhiruloke.blogspot.in/

First Published in Uddan Annual Magazine of Shivaji Shikshan Sanstha, Pantnagar, Ghatkopar(E)

Link of Uddan Magazine https://www.facebook.com/photo.php?fbid=1589227217969899&set=a.1589223874636900.1073741829.1568769130015708