अंधश्रद्धा आणि नास्तिकता
"अंधश्रद्धा आणि नास्तिकता" या दोन शब्दांमध्ये एक पुसटशी रेषा आहे ! ह्या रेषेचे गणित चुकल की सुरु होतो प्रवास, एक तर "फसवणुकीकडे किंवा अराजकतेकडे"...
जर तुम्ही सरसकट सर्व धार्मिक गोष्टि "भोळ्या भाबडेपणाने" किंबहुना "भक्तीभावाने" सहन करत गेलात तर एक वेळ अशी येते की हाच तुमचा "भोळा भाबडा भक्तीभाव" तुम्हाला "फसवणुकीकडे" नेतो.
दुस-या बाजुने सर्व संस्कृती, देव, धर्म, सरसकट "थोतांड" आहे अस म्हणुन त्याला दोष देवु लागलात की तुम्ही "नास्तिक" म्हणुन तुमची हेटाळणी केली जाते.
कुणी तुम्हाला तुमच्या "भक्तीभावाचा" आधार घेवुन फसवतोय हे माहित नसलेला एक समाजिक वर्ग आहे तर
दुस-या बाजुला स्वत:ला "नास्तिक" म्हणवुन घेण्यात धन्यता माननारा एक वर्ग आहे.
तस पाहता हे दोन्ही वर्ग धोकादायक ! दोघेही संस्कृतीची विटंबना करतात एक अविचाराने आणि एक अतीविचाराणे !
काही धार्मिक स्थळांना नुकतीच भेट दिली असता आलेले अनुभव ! इथे कोणत्याही धार्मिक स्थळाचा उल्लेख करुन वाद निर्माण करायची मुळीच इच्छा नाहि पण माझ हे मत एका भेटितुन आलेले नाही अनेकदा या धार्मिक स्थळांना भेट दिल्यावर आलेला हा अनुभव !! पटल तर घ्या नाहीतर सोडुन द्या !
Comments
Post a Comment